Malta ssofri ma ċċedix

Il-Ktieb ta' Dom Mintoff - Malta ssofri ma ċċedix

Dawn id-dokumenti nqraw minn fuq ir-Rediffusion nhar il-21 ta' April, 1958. Nafu  biżżejjed għaliex xi gazzetti hekk imsejħa Nazzjonali ma ippubblikawhomx.

Lanqas kien hemm xi attentat raġonevoli mill-Gvern Ingliż biex forsi japprovaw li ‘stand' li ħadu ma' tul dawn l-aħħar xhur. Għal kuntrarju dak li ħasbu fih kien biss kif jiċħdu 1-kawża tal-qagħda inċerta tal-lum ġejja mill-id magħluqa tagħhom għall-ammont ta' kontribuzzjoni lil Malta għas-sena 1958-59.

Billi m'għandomx fuqiex jitfgħu t-tort qegħdin iwaħħlu li l-kriżi preżenti ġejja mir-Riżoluzzjoni li ġiet mgħoddija unanimament mill-Assemblea Leġislativa fit- 30 ta’ Diċembru 1957. Il-Ministri tar-Renju Unit, għax hekk jaqblilhom, jinsew li f’Marzu ta’ din is-sena, is-Segretarju ta1-Istat għall-Kolonji kien qal lid-delegazzjoni Maltija f’Londra biex iħallu għaddejja din ir-riżoluzzjoni, basta jaċċettaw is-somma ta' £5,000,000 bħala kontribuzzjoni tal-Ingilterra lil Malta għal din is-sena finanzjarja.

Għalkemm il-Malta Labour Party għadhom iżommu maġġoranza qawwija fil-Parlament ta' Malta, il-Gvernatur qiegħed malajr malajr ifittex Gvern tal-pupi. Nittamaw li l-attentati tiegħu jispiċċaw fix-xejn.

 

DOM

Auberge D'Aragon

23.4.58